" ईन्टरनेट को झुटो माया "

तिमी त्यहाँ म छु यहाँ चाहेर पो कहाँ हुन्छ ।
 ईन्टरनेटमा झुटो माया लाएर पो कहाँ हुन्छ ।।

तिम्रो मनमा के छ के छ मलाई केही थाहा छैन,
माईक्रोफोनमा मिठो गीत गएर पो कहाँ हुन्छ ।।

 कम्प्युटरको सन्जाल अरे जस्तो पनि गर्न मिल्ने,
वेब-क्याममा मुहार देख्न पाएर पो कहाँ हुन्छ ।।

हेर्दा हेर्दै माया बस्यो बिश्वास गर्नुस् भने पनि,
च्याटिङ गर्दै बाचा कसम खाएर पो कहाँ हुन्छ ।।


कल्पना  पौडेल
हाल माल्दिभ्स ।।